Ano ang Lumbar Epidural Injection?

Ang lumbar epidural injection ay isang iniksyon sa lugar sa paligid ng spinal cord na ginagamit upang gamutin ang pananakit ng ibabang bahagi likod. Ang iniksyon ay naglalaman ng isang pampamanhid na gamot at isang steroid, at makakatulong na mapawi ang pananakit sa ibabang bahgi ng likod at binti kasabay ng physical therapy, isang programa ng ehersisyo sa bahay, o pareho. Ang isang epidural injection ay maaaring maibsan ang pananakit at pahintuin ang siklo ng pananakit. Maaaring magsimula ang siklo na ito kapag ang pananakit sa likod ay nagpapahirap sa paggalaw. Ang kakulangan sa paggalaw ay maaaring makapagpabagal sa proseso ng paggaling. Sa pamamagitan ng pagkilos muli, ang iniksyon ay makakatulong na mapabilis ang iyong paggaling. Ang ilang tao ay maaaring makaramdam ng higit na kaginhawahan mula sa isang iniksyon kaysa sa iba. At ang ilang tao ay maaaring mangailangan ng higit sa 1 iniksyon upang makaramdam ng ginhawa. Karaniwan, hindi hihigit sa 3 iniksyon ang ginagawa sa loob ng 12 buwan. Kung hindi nakatulong ang unang iniksyon, mas mababa ang tyansa na makatulong ang isa pa.